Meeting (Tips)

• Give Suggestions about process improvement.
• Always talk and dicuss with logics.
• Suggest alternate ways of doing things.
• Always smile.
• Keep things cool and calm, dont take things too serioulsy.
• Even if you have to say "No" say it with a smile.

Bhalay dino baat hai..

Bhalay dino ki baat hai,
Bhali si ik shakal thi,
Bhali si us ki dosti…

Na ye kay husn-e-taam ho,
Na dekhnay main aam si,
Na ye kay wo chalay to ,
Kehkishan say rah guzar lagay,
Magar wo sath ho to phir,
Bhala bhala safar lagay

Koi bhi rut ho us ki jab,
Fiza ka rang roop thi,
Wo garmiyon ki chaoon thi,
Wo sardiyon ki dhoop thi.

Na mudatoon juda rahay
Na sath subh-o-sham ho
Na rishta-e-wafa pay zid
Na ye kay izne-aam ho

Na aisi khush libasiyan
Kay sadgii gila karay
Na itni bay-takalufi
Kay aina haya karay

Na ikhtalaf main wo rang
Kay bad-maza hon khwahishain
Na is kadar supurdgi
Kay zich karain nawazisheen

Na ashqi junon ki
Kay zindagi azab ho,
Na is kadar khatoor pan,
Kay dosti kharab ho

Kabhi to baat bhi khafi,
Kabhi sakoot bhi sukhan
Kabhi to kasht-e-zafran
Kabhi udasiyon ka ban

Suna hai….
Suna hai ik umar hai
Mu’amlat-e-Dil ki bhi
Visal-e-jan fiza to kya
Faraq-e-jan vasl ki bhi

So aik roz kya howa,
Wafa pay behaas chir gaye,
Main ishq ko amar kahon,
Wo meri zid say chir gaye

Main ishq ka aseer tha
Wo ishq ko qafas kahay,
Kay umar bhar kay saath ko
Bad-taraz hawas kahay

Shajar hajar nahi kay ham
Hamesha paba-e-gil rahain'
Na door hain kay rasiyan
Galay main mustakil rahain

Muhabaton ki vusa’teen
Hamaray dast-o-pa main hain
Bas aik dars-e-nisbateen
Sagan-e-bawafa main hain

Main koi painting nahi,
Kay aik frame main rahon,
Wohi jo maan ka meet ko
Usi kay praim mian rahon

Tumhari sooch job hi ho
Main is mizaaj ki nahi
Mujhay wafa say bair hai
Ye baat aj ki nahi

Na us ko mujh pay maan tha
Na mujh ko us pay zuam hi
Jab ehad hi koi na ho
To kya gham-e-shikistagi

So apna apna rasta
Hansi khusi dabal liya
Wo apni rah chal pari
Main apni rah chal diya

Bhali si aik shakal thi
Bhali si us ki dosti

Ab us ki yaad raat din nahi
Han magar kabhi kabhi..
Han magar kabhi kabhi..

Zindagi Say Dartay Ho (Noon Meem Rashid)

Zindagi say dartay ho?

Zindagi to tum bhi ho,
Zindagi to hum bhi hain
Zindagi say dartay ho...

Aadmi say dartay ho?

Aadmi to tum bhi ho,
Aadmi to hum bhi hain
Aadmi zubaan bhi hay,
Aadmi bayaan bhi hay,
Us say tum nahi dartay...

Harf aur ma'ani kay rishta-haaye-aahan say Aadmi hai waabasta
Aadmi kay daaman say zindagi hai waabasta,
uss say tum nahi dartay...

Unkahi say dartay ho?

Jo abhi nahi aaye us ghari say dartay ho?
uss ghari ki aamad ki agahi say dartay ho?
Pahlay bhi to guzray hain
Daur naarasaai kay,
beyri ya khudaye kay
Phir bhee ye samajhtay ho
Haich !!
arzumandi
Ya shab-e-zubaan bandi
Hay raahay khuda wandi

Tum yehi samjhtay ho..
Tum magar ye kya jaano...
Lab agar nahi hiltay,
Haath jag uthtay hain
Haath jag uthtay hain
Rah ka nishaan bankar
Noor ki zabaan bankar
Haath bol uthtay hain
Subh ki azaan bankar

Roshni say dartay ho?

Roshni tau tum bhee ho,
Roshni tau hum bhi hain
Roshni say dartay ho...?

Shahar ki faseelon par
Deev ka jo saaya thaa,
Paak hogaya aakhir
Raat ka libaadah bhi
chaak hogayaa aakhir
Khaak hogayaa aakhir...

Azhdahaam-e-insaan say fard ki nawa aye
Zaat ki sadaa aye
Rah-e-shauq main jaisay
Rah ro ka khoon lapkay
Ik nayaa junoon lapkay

Aadmi chhalak uthay
Aadmi hassay dekho,
Shehar phir basay dekho

Tum abhi say dartay ho?
Haan abhi to tum bhee ho,
Haan abhi to hum bhee hain

Tum!!! abhi say dartay ho...

Pages

http://hadia-ch.blogspot.com/p/qoutes.html

Qoutes